کتاب من اؤلومو یاشامیشام
شاعر: امین حاجیلو
✍
منی داریخدیران هیجران دئییل کی
اؤزومو، اؤزومسوز حیسّ ائله مک دیر
بئله جه نفسین گلیب گئتمه سی
حیاتسیز دیریلیک،یالنیز،دئمک دیر
دئمیرم وطن سیز داریخمیرام من
قانادسیز بیر قوشام،گول چیچک ایچره
گله جک عشقی یله چیرپینیر اورک
پاسلانمیش پیچاغام،بیر اورک ایچره
جاوابسیز سوال دیر حالیمی سورماق
بولودلو گؤی لرده آوارا،حیران
ائله یاپیشمیشام دؤرد اللی هئچدن
مندن ال اوزوبدور ویجدانلی ویجدان
داها اؤزومه ده جاواب تاپمیرام
اوزانیب اللریم،قیسالیب دیلیم
بئله جه سئیر ائتسه دنیا باشیما
گؤزلریم آخاجاق هارا،نه بیلیم؟! قوهومدان،قارداشدان سؤز آچمایاراق
ایندی بیلیرم کی تک لیک نه ایمیش؟!
اؤز الیم،اؤز باشیم-دئییب چالاراق،
تک لیک دیاریندا،اسگیک نه ایمیش؟! منی سارسیدانماز "هئچ نه"- دییه ن ده
اؤزومون اؤزومه گولمه ییم گلیر
سونرادا اؤزومه گولومسه یه رک
یاغیشا بورونوب،اؤلمه ییم گلیر
ایندی سارسیدیجی اؤزوم اولموشام
قارانلیق گئجه ده،چیراغ سیز یولدا
ائله قورخورام کی گله بیر زامان
صاباحسیز یاشایام بایاقسیز یولدا
برای تهیه ی این کتاب می توانید به پیج اینستگرام نشر شانی مراجعه کنید:
@nashreshani1
همچنین می توانید از سایت نشر شانی تهیه کنید:
http://www.nashreshani.com
درباره این سایت